اكبر حالة نصب في التاريخ فعلا
الاسبرين من اقدم الأدوية المستخدمة منذ بداية القرن العشرين
البدائل بالمئات فعلا بالمئات
يقولون لك خد اسبرين بروتكت ده المستورد علشان تبع شركة بابر الألمانية
و تكتشف ان هذا البروتكت من انتاج شركة ممفيس المصرية
تصور يا مؤمن
يعني لا مستورد و لا غيره ده واخد بس الختم
طيب بيكلف شركته كام ؟ العلبة لا تتكلف جنيه واحد
و في هوجة ارتفاع الدولار و من ثم شكاوي الشركات المختلفة من عدم قدرتها على تلبية احتياجات السوق من الأدوية المختلفة استغل بعض ضعاف النفوس تخزين الكثير من الصيادلة لدواء الاسبرين بروتكت و اغلب مثائله او بدائله ليتم زيادة ثمن علبة اسبرين بروتكت الى ٢٠ جنيه مصري يعني مكسب مهول من مادة خام تم إنتاج ملايين الاطنان منها و اي معمل في كلية علوم او صيدلة مصرية قادر على انتاجها بل ربما لو معمل مدرسة ثانوية محترمة يمكنه انتاج المادة الفعالة
و لكن ماذا نفعل في من يستغلون حاجة المرضى و ألاعيب التسويق الشرسة التي لا تلقي بالا لآلام الفقراء من المرضى
بدائل هذا الدواء متوفرة و بشدة في السوق المصري و لو عايز الأصلي خده بس للعلم
يوجد مثلا ريفو ميكرو بربع ثمنه تقريبا
اسبوسيد ٧٥ مج
ايزكارد
اجريكس
Aggrex 75 mg
Aspico 81 mg
اسبرين ٨١ مج من انتاج شركة النصر
اسبرين كيميفارم رخيص جدا و محترم جدا جدا الشريط ما بيكملش جنيه
اسبونصر
جاسبرين من انتاج شركة الحكمة الاردنية الشريط باتنين جنيه و نصف
اسبروتكت من انتاج شركة اكتوبر فارما
طيب ننصح بايه
شخصيا استخدم اسبوسيد اطفال و من الممكن استخدم اسبرين كيميفارم او ريفو ميكرو و كن مطمئنا تماما نفس الفعالية ان لم يكن أفضل
فما الفرق بين شركة سيد او النصر او كيميفارم و شركة ممفيس المصرية التابعة للقطاع العام التي يتم تصنيع الدواء فيها قبل تسويقه لحساب شركة باير المانيا
من فضلك تمسك باستعمال بديل اسبرين بروتكت و اطلبه من طبيبك و الصيدلي و ووفر على الأقل عشرة جنيه
اخبار النادي الأهلي المصري اضغط هنا
معلومات طبية و دليل الأدوية اضغط هنا
السلام عليكم ورحمه الله وبركاته اناالحمدلله جاتنى جلطه فى رمضان واتحدزت فى العنايه وعملت قسطره والدكتورقال لى الجلطه حصله فى شريان فرعى صغيروكتب لى على دواء مثل اتوروبلوفكس واسبرين ١٠٠ وكرونكور وتريتاس ونيتروماك ريتارد فياريت حضارتكم جزاكم الله خير قولو لى ايه المفروض اعمله واخده من الدواء ده مع العلم وقفت البلفكس واتور وهل المرض ده خطيروالشريان ده هيفتح مع العلاج وجزاكم الله خير
الشريان ان شاء الله يفتح مع العلاج
انت وقفت البلافيكس بناءا على تعليمات الطبيب و لا مع نفسك لانك المفروض تاخده سنة حتى لو الشريان صغير و علشان ما يحصلش جلطة مرة اخرى
لو سعر البلافيكس غالي فيه بديل اسمه كلوبيدوجريل سعره اقل من 100 جنيه شهريا و نفس الكفاءة لانه من شركة نوفارتس السويسرية
اتور لا يمكن ايقافه لان مستوى الكوليسترول عندك المفروض ما يكونش اعلى من 70 و اللي بيحصل له جلطة في القلب محتاج تحكم اكثر من الاشخاص العاديين في نسبة الكوليسترول في الدم و لو فيه اي استشارة رجاءا ابعت لي على الايميل بتاعي
ayman.aboubkr@gmail.com
انا طبيب و تحت امرك و بالشفاء ان شاء الله و آسف على التأخير في الرد
بديل الآتور
دواء اتور بديل اساسا
و لكن هناك بدائل له لو مش لاقيه
اتورستات
اتوريزا
ليبوماكس
ليبونا
توراستاتين
بورجستاتين
و الدواء الأصلي ليبيتور و تحت امرك
انا بعاني من ارتفاع ضغط الدم وباخد دوا اسمه كوفرسيل ينفع اخد معاه دوا تاني اسمه تريتاس؟؟
اولا آسفين على التأخر في الرد و لكن لا يجب استخدام دواء كوفرسيل و دواء تريتاس في نفس الوقت لانهم من نفس المجموعة الدوائية و لكن يمكن اضافة دواء مثل نورفاسك او بدائله مثل وينديبين او دواء مثل كارفيد مثلا و يفضل استشارة طبيب او ابعت لنا ضغطك و حالتك المرضية بالتفصيل في رسالة على صفحتنا على الانترنت بدائل الأدوية و يمكننا الرد على حضرتك او توجيهك الى طبيب كويس
من فضلك يادكتور بديل البلافيكارد ايه
البلافيكارد بديل رخيص محترم للبلافيكس الدواء الأصلي اللي سعره 205 جنيه لذلك لا ننصح بالبدائل الرخيصة جدا لان طريقة تصنيعها بتكون مش سليمة مع الشكر و الشفاء العاجل
رجاء من فضلك سوال الدكتور صرف بعض ادويه وهى plavix crestor lipanthyl وطبعا غاليه علشان كده لم اكررها من فضلك ما هو البديل المناسب
لو سمحت عملت عمليه تثبيت الردفه بالركبة وعايزه بديل فاكساتو Vaxato لانه غالي وهل ممكن استبداله ب اسبوسيد
بديل بلافيكس هو كلوبيدوجريل او كلوبكس
بديل كريستور هو كوليروز او روزوفاست
بديل ليبانثيل هو فينوليب او فينورات او ليبوليكس
لا يمكن استبداله باسبوسيد لان طريقة عمل كل منهم مختلف تماما
فاكساتو بديل محترم للدواء الاصلي زالرتو و اغلب البدائل الاخرى في نفس مستوى السعر لذلك ينبغي الاستمرار عليه لان الفارق حيكون عشرة او عشرين جنيه فقط و الف سلامة
السلام عليكم
ممكن بديل neoral 100
ممكن حضرتك تتأكد بس من كتابة اسم الدواء لاننا مش لاقيينه على قاعدة بينانات الدواء الموجود في السوق المصري
بأخذ أسبوسيد أطفال ودكتور الأنف والازن طلب منى منعه فما هو البديل له
بأخذ أسبوسيد أطفال ودكتور الأنف والازن طلب منى منعه فما هو البديل له
بأخذ أسبوسيد أطفال ودكتور الأنف والازن طلب منى منعه فما هو البديل له
ما ينفعش يتاخد لان غالبا عاملك نزيف او في خطورة ما منه شايفها الدكتور و للاسف دي اعراض جانبية لكل بدائل الاسبرين شفاكم الله و عافاكم
بديل اسبرين بروتكت لانه غير متوفر
كل الانواع الموجودة في الموضوع بدائل محترمة مثل جاسبرين و ايزكارد و اسبونصر و اسبوسيد و ربنا يكمل شفائكم ان شاء الله
بديل براكسيلان لانه ناقص و مش موجود
بالانجليزية و كلها بدائل متاحة
Andofuryl 100 mg
Cerebromap 200 mg from multiapex
duranftat 200 mg from Rameda
Furyxel 200 mg from Hikma
Gevarcut 200 mg from Repharma
Naftidur 200 mg from from Novell Pharma
و كلها بدائل محترمة جدا و آسفين على التأخير في الرد بسبب ظروف صحية
بديل اميديور ٦٠ من فضلك
لو سمحت الدكتور كتب بعد عمليه تركيب دعامات نيتروماك وحدث لى انخفاض ودوخه خاصه اعاني من ضغط منخفض ماهو بدبيل نتيتروماك
فيه بديل وحيد اسمه كالتالي
ISMN STADA 60 mg
او حضرتك تاخد ايفوكس 50 مج تركيز اقل لكن فعاليته عالية للغايةو مستورد يعبأ فقط في مصر
Effox 50 mg long
بدائل نيتروماك كثيرة مثل
كارديوكير Cardiocare
كرونولاكس Coronolax
]ديبونيت لاصقة
Deponit Patches
و لكن من المهم استشارة الطبيب لان الدوخة ممكن تكون من نيتروماك او اي دواء آخر
ثانيا كده القصة مش قصة بديل القصة ان المادة الفعالة بتعمل لحضرتك هبوط فلابد من تغيير خطة العلاج كليا و لكن يمكنك استخدام البديل الثالث اللي هو لزقة ديبونيت و لو حصل هبوط برضه يبقى لابد من التوجه للطبيب و هو الحل الأفضل بالطبع من البداية
سلام عليكم ورحمة الله وبركاته
دكتور اسبرين بروتكت 100
غير متوفر. اسبرين كارديو ينفع مكانه والا ايه. جزاك الله خير
هو هو نفس الكفاءة و التركيب و اسبرين بروتكت تصنيع شركة ممفيس المصرية و غلو ثمنه فط بسبب وجود اسم شركة باير الالمانية عليه يمكنك استخدامه ة ان شاء الله الشفاء يتحقق
ايه البدائل الكويسة لاسبرين بروتكت انا جاني جلطة من ٥ سنين وباخد كونكور ٥ ومعاه اسبرين بروتكت جاني كذا نوبة نقرس والدكتور قالي المادة اللي معمول منها اسبرين تعلي اليوريك اسيد لو ده صح تنصحني بايه بديل كويس ليه
جوسبرين 81 مجم انا شخصيا باستخدمه و رخيص جدا مقارنة باسبرين بروتكت و نفس التأثير تماما
Jusprin
هل ادنكور بديل للنيتروماك
ادنكور ١٠
هل ادنكور ١٠ ينفع بديل نيترو ماك
هو بديل و مادة فعالة اخرى و ليس مثيل و يستخدم الاثنان في علاج قصور وظائف الشريان التاجي
هل يمكن ايقاف دواء بلافيكس خاصة أنه تسبب في آلام بالمفاصل
مع الشكر
لو حضرتك اخدته اكثر من عامين يمكنك ايقافه فورا
و بعد تناوله لمدة عام اغلب الاطباء يفضلون استمراره و لكن لو الام المفاصل بسببه و تاكدت من ذلك يمكنك ايقافه
لو مدة تناوله اقل من عام لا يمكن ايقاف تناوله لان اختمال تكرار الجلطة يكون اعلى بنسبة كبيرة
السلام عليكم لو سمحت يا دكتور هل يوجد بديل رخيص لدواء لاكوفيمب 50
Andovipamide 50 mg price 66 L.E for 20 tablets
Lacosamagic 50 mg price 33 for 10 tablets
Lacosamet 50 mg Price 33 for 10 tablets
فيه 3 بدائل محترمة في السوق المصري
اولهم اندوفيمابيك 50 من شركة الاندلس و هي شركة متخصصة في ادوية الصرع و علاج الامراض النفسية و هو احسن بديل بلا منازع و سعره 66 جنيه لعشرين قرص
ثاني بديل من شركة ماجيك لاكوساماجيك 50 بنفس سعر بديل الاندلس
ثالث بديل لاكوساميت من شركة ماركيريل بنفس السعر و ننصح بالبديل انتاج شركة الاندلس
انا عامل عملية تركيب مسمارنخاع فى عظمة آل فهد ويأخذ دواء سيولة أكثر من شهر فاكسات هل ممكن تأخذ بديل تسيرين اطفال لأنه غالى وشكرا
لا يا افندم ما ينفعش اسبرين بروتكت او اطفال للوقاية من جلطات الشرايين و القلب
فاكساتو للوقاية من الجلطة الوريدية العميقة التي تحدث بعد عمليات العظام و الجراحة الكبري و تتسبب في جلطة الرئة التي قد تؤدي الى الوفاة لذلك لا ينفع استبدالهما كل واحد له وظيفة و طريقة عمل مختلفة
ماالفرق بين كلوبكس٧٥ واسبوسيد٧٥
وهل يمكن استبدال كلوبكس٧٥ ب اسبوسيد ٧٥
فارق كبير جدا و لا يمكن استبدالهم بالطبع